Aftur
Fosturtøkur og fødd livandi børn í Føroyum í 2023
Fødd livandi børn í Føroyum 1985-2023
Tað vórðu 574 børn livandi børn fødd í 2023. Hetta er ein lækking frá 2022, tá 632 børn vóru fødd.
Seinastu 10 árini hava ímillum 6-700 børn verði fødd í Føroyum.
Føðitíttleikin í Føroyum 2023
Nýggj tøl frá Hagstovu Føroya vísa, at í 2023 var føðitíttleikin í Føroyum 1,86 børn fyri hvørja kvinnu. Hetta er fyrstuferð nakrantíð, at føðitíttleikin í Føroyum er komin niðurundir 2,0, sum er ov lágt til at halda fólkatalið við líka. Føðitíttleikin í Føroyum, ið hevur verið serstakliga høgur samanborið við onnur lond, líkist nú meira føðitíttleikanum í restini av Evropa, men er framvegis hægstur.
Fosturtøkur í Føroyum 1994-2023
Tað vórðu 42 fosturtøkur í 2023 í Føroyum. Hetta er ein øking frá í fjør, tá ið talið var 27 fosturtøkur. Vit skulu heilt aftur til 2009 (51 kvinnur), fyri at finna eitt fosturtøkutal yvir 40.
Fosturtøkur býttar á kvinnualdur í 2023
Kvinnur í aldrinum í 25-29 ár (10 kvinnur) og 30-34 ár (13 kvinnur) umboða størsta partin av teimum, sum hava tikið fosturtøku í 2023.
Hvussu verða fosturtøkur í Føroyum framdar
Eingi føroysk hagtøl eru, sum siga okkum, hvussu fosturtøkurnar í Føroyum verða framdar. Hetta hava vit í Føroya Pro Vita eftirlýst alment.
Í Danmark vísa hagtølini, at nógv tær flestu fosturtøkurnar í 2022, yvir 80%, vórðu medisinskar fosturtøkur og 20% vórðu skurðfosturtøkur. Tí kann tað hugsast, at tað sama ger seg galdandi í Føroyum.
Orsøkir til fosturtøkur í Føroyum
Eingi føroysk almenn hagtøl eru, sum siga okkum, um orsøkirnar handan hví kvinnur fáa fosturtøku í Føroyum.
Donsk hagtøl vísa, 95% velja fosturtøku, um fostrið fær staðfast kromosomfrávik.
Donsk hagtøl um seinfosturtøkur í 2022 vísa, at av teimum 809 loyvunum, sum vórðu givin til seinfosturtøku, snúðu 640 av orsøkunum, ella 79%, seg um álvarsligt likamligt ella sálarligt brek hjá fostrinum. 169 teirra, ella 21%, snúðu seg um umstøðurnar hjá mammuni.
